علي يعني العراق ..
( من كنت مولاه ) هتف بيهه الرسول
وكبال كل الناس جف بجف لزم
هذا من بعدي ولي بأمر الأله
وسلمه المصطفى بيمناه العلم
ياللي ما تعترف بيه بس كلي ليش ؟
واني بيهم اعترف منذ القدم
هذا قول الله بشفاف الرسول
يعني هم قرآن نازل عالامم
واللي ينكره يعني ما يتبع دين
يعني كافر يعني يرجع للصنم
واني كلمن ينكر مانكره ليش ؟
وانته تنكر (علي) وتعرف هالاسم
اني كاتبلك ( نعم ) مو من أكيد
وانته متأكد وما تكتب ( نعم )
يمن حبك ضوه وشع وسط الكلوب
ورسم كدامنه انوار الهدايـــــــــة
وطبع بالروح حبك معنى الايمــان
عقيدة .. ومنهج .. ودين .. وولاية
علي يالمارضيت بظلم الانسان
علي وكلمة علي يعني العداله
دباوع هالشعب كاضيهه باحزان
وبس ضيم وظلم والهم صفالـه
يبجي بلا دمع ويصبـــر الروح
وبكاع الغدر طاحن جبالــــــــه
دخيلك يــــا علي ياحيدر الكرار
حل نريد من رب الجلالــــــــه
ادري شلون نكضي اعمارنه بخوف؟
اويضل واحدنه خايف من خياله
يا رمز الشجاع ومنبع الحيـــــل
علي يالمرتدي ثوب البسالــــــه
علي ياللي بيمنك تمحي فرسـان
علي ( وفقار ) بس جفك حلاله
علي يالقوتك مــــن قوة اللــــه
وحاشــــاه لو خسر مره بنزاله
ما معقولـــه طبروا هامتك مولاي
ولا طيحتك بالمحراب معقولـــــــه
علي نهج البلاغة وسورة بالقران
وعين الماتشوفك اعتقد حولــــه
علي رد الشمس بس اشر بأيديه
علي تاج الاسلام وتاج الرجوله
علي يالماتفرق بيــــن هذا وذاك
ايد المستك ياريـــت مشلولـــــه
علي رمز التوحد رمـز للاخلاص
علي يعني العراق بعرضة وبطوله
الرئيسية 
أحدث الصور 
التسجيل 
دخول 
