همـــوم عراقيـــه

إلك جبت الشمس.... والنار اقواس
إلك صلّت سيوف إمن الفرح تنباس
إلك واهس يعدل الفكر .. بالراس..
جرّحني إعله طولي ... فرح ... لاباس
ورده إتطكـَ همومي... إوترفع الراس
ولو جفك... حرير.. إوخاف ينجاس
ولك جيس الورد..... يتلون اليـــاس
اهيس جرحي بجفوفك جمر ينباس
خيط الدم يروح إبعيد يمتد إبطول الفرات إبعيد
يلمض إبراسي غضب... ويعيد:
هاله إجفوفنه إتعاند ولا تنداس
إوصهيل إعيونج ايورد حلم ينجاس
عيب الناس تمشي... إبذلة الناس
إلك خضره الأغاني.. إتفيض انهار
وإلك سر الغميج اليشبكـَ أسرار
رجف طولي.. رمح.. ينتظرك ثار
أعبدك... ريح من تلعب لعب بالنار
لو دار الزمن... بالموت إلك نندار
فاض الدم بيديك إجروحي.. أفكار
مدري الزمان إختلف.. مدري إختلفت الناس
وديت النذر شمسين... للعباس
كـَمره: الصوت من يصعد فرح بالراس
يدكـَ هذا الضمير... إبذاك
إو يخلّي الدم.. يشد الناس... للناس
الحزن نجمه تطيح... إبطارف العين
بجت إمي عليك.. بصدري مرتين
ضـَحك شيبج بيديّ إو جـّت إسنين
هاله.. إو كـَمرها .... إنداس بالطين
أشوفك.. بالحلم ..ز تضحك بساتين
ذبحني السر عليك.. إودمي صوبين
مصلوب إعله بابك منهو إنتَ إمنين
من تلمض تفكـَ تعركـَ إجفوف الناس
رجف بيدي الحنين إلشوفتك كاس
ولك فر الحنين إو وكـَع الوهواس
إوخلي الدم .. يشد الناس.. للناس
أحط دمي إعله جفك يعتلكـَ موال
روحي الخيل من تصهل سيوف إطوال
وياك يمشي النبض مشعل بجف خيال
دمي إبدفترك ورده إو رسوم أطفال
الشاعر لو بجه دم إو غضب .. جتال
طوله يصيح: يصعد اغنية إو ينزل كـَمر بالريح
يصلّي إعله الجرح تضوي الخيول أتصيح
إويصلّي النوب.. عكس الريح لا ما آطِـيح
يفز غبشه الجرح.. كلّش يريد إيصيح
من تلمض تفكـَ تدمع اجفوف الناس
أويلي إيرف بيديّ اشجم نهر حساس
إوبجه كـَبل الحجي إو غص النبض بالناس
يامشعل... يجيب الناس... للناس....

جميلة ورائعة

مرسي على مرورك الجميل والرقي مع تحيات اسير الروح

يسلموووووووووووووووووووووووووووووووووووووووو

عزيزي اسير الروح

علي اجمل واروع الكلما ت

تقبل مروري

اختك اسيل

اسير
اسلوب رااقي وعبارة قمة الجمال
شكرا لقلبك اخي على هذا الابداع
ودمت لنا ولامير القلوب مبدعا
الصقر كان هنا

مرسي لكل الاحباب الذي اضاؤه قصائدي بنورهم وبمرورهم المتميز والراقي
مع تحيات اسير الروح

يعطيك العافية على جمال كلماتك
بانتظار الاجمل
لايحرمنا من جديدك