قصيده بعنوان الخيمكه او مخيم الامام الحسين

احس دم الجدم يتسابك ويه العين

وحس الروح مهره والذيب يطردها

رحت للخيمكه وبعيني دمع غروب

كلمه ويه العقيله هناك رايدها

هناك براحته اليكبت يكول احاه

وتدرون الثكاله هناك موعدها

صياح ودك صدر يتعمد على الموت

وغير النوح كلي الفاقده شعدها

وحدتهن تكف صوت وتطيح بصوت

جن الصوت يالمها ويهودها

غير اصواتهن كل صوت مامسموع

يجدح والدمع جل مبرد ويحدها

وانا بهذا الوضع لن صوت اضغف صوت

صوت اليسحن الروح ويحددها

اضغف صوت باك اصواتهن بسكوت

حتى التشتعل والنار خمدها

مشيت بغير طولي بفرد اذن وعين

هذا الصوت كل الناس كعدها

تابعته واحاذر شك المعزيات

توجد عيني مره ومره اوجدها

وصلت الصوت لن حرمه بتولي الروح

مدري الموت مدري الضيم مددها

مثل كور الغزل مطويه بس هدوم

وحلف بيش غير الصوت ماعدها

شالت راسها بشهكه ونفس مكطوع

وحس روحي يتم ولايذ بسدها

من ترمش يطير من الجفن دخان

ودموع الحزن تطافر بخدها

تكلها هنا يا زينب الحديث يطول

وهموم العلي مابيا اعددها

انا حرمه وراعي بيتي انفكد بالتسعين

ومايخفاج حال التفكه وحدها

ثلاثه ورود عندي حيدر وكرار

وزينب ويه زينب صار مولدها

وجينه انزوركم والحال ماينقال

حيث العوز حتى الدمعه فرهدها

ندهه كرار اخته بهيده بيه وراح

ترخص من اخيته وباع معضدها

كروه يريد مو لازم اكل وهدوم

وكل لحسين بلكي ديونا يسدها

وجينه وريت عطسه ولا اجينه اليوم

تلكتنه الطيفيه وقواعدها

ازلام ملثمه وبيهم شمر مهواي

وجت زينب بايده وهو رايدها

خذونا اجتاف مثل اجتافكم للشام

وشبه ذيج الخرابه وصولة قائدها

يا زينب كل جرح لابد يخف ويطيب

بس جرح العرض ناره شيخمدها

جر زينب يا زينب ريت شوفي يموت

من جرها انحت والخوف مددها

صاحت وين اخو تربات ابو السجاد

عيب على الزنود احبال تعكدها

عد عيناج صوت وصوت طك جتاف

والكثره تغلب لو بان مفردها

وكع كرار يمه زغير ومدلول

والسجين تهوه وحيدر يصدها

عين على الصغير وعين على السجين

غلوه ركيبته مو لازم تحدها

يحز نحره على كيفه يريد روحي تشوغ

هي الروح وين وضاله شعدها

كطع نحر الصغير ونفس فعله الشين

وخته بلا ذبح مذبوحه شاهدها

كضو من الحمى وزينب اجاها الدور

شنفع دمع الغزاله بعين صايدها

هذا يكلها شسمج ذاك زينب كال

هذا يطكها حيل وذاك هودها

هذا يجر شعرها وتوكف من الاه

صاحت يا وسف الشرف كعدها

هذا يكول اقسي وذاك حيل يكول

هذا يجول بيها وذاك مرعدها

مشيت اسحف عليها وهذا كل الحيل

هانوني وعفت زينب لوحدها

خذوها بعيد عني ولاعرف لاوين

وبقيت ويه الولد والروس اناشدها

صحت هنا يزينب حشمت عباس

بلكي يلوح سيفه ويكدر يردها

حقيقة كلمات رائعه
ادهشتني كثيرا
سلمت يداك
تحياتي لكم
تقبل مروري